Молитва при трудных родах
Молитва при трудных родах
Молитва Богородице о помощи в трудных родах
Молитва при трудных родах Божией Матери перед Её образами на иконах
При трудных родах молятся Богородице перед Её образами на иконах: Албазинская «Слово плоть бысть», «Геронтисса», «Млекопитательница», «Помощница в родах», «Феодоровская»
Молитва Богородице перед Албазинской иконой «Слово плоть бысть» о ниспослании благодатной силы в тяжких муках разрешения от беременности
Молитва Божией Матери перед Её образом «Слово плоть бысть» о ниспослании благодатной силы в тяжких муках разрешения от беременности
Богородице Дево, Пренепорочная Мати Христа Бога нашего, Заступнице рода христианскаго! Пред чудотворною иконою Твоею предстояше, отцы наши молиша Тя, да явиши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюди и от междоусобныя брани сохрани. Даруй мирови мир, земли плодов изобилие; сохрани во святыни пастырей наших, во святых храмех труждающихся: осени вседержавным покровом твоим строителей и благотворителей их. Утверди в правоверии и единомыслии братии наших: заблуждших же и отступль-ших от православныя веры вразуми и соедини Святей Церкви Сына Твоего. Буди всем притекающым к чудотворней иконе Твоей покров, утешение и пристанище от всяких зол, бед и обстояний, Ты бо еси больных исцеление, скорбящих утешение, заблудших исправление и вразумление. Приими моления наша и вознеси я ко Престолу Всевышняго, яко да Твоим пред-стательством соблюдаеми и покровом Твоим осеняеми, прославим Отца и Сына и Святаго Духа, ныне и присно и во веки веков. Аминь.
Молитва Богородице перед иконой «Геронтисса» о помощи в трудных родах
Молитва Божией Матери перед Её образом «Геронтисса» о помощи в трудных родах
О Всепе́тая Ма́ти, ра́досте на́ша и утеше́ние, в ско́рбех ско́рая помо́щнице, в беда́х и отча́янии еди́ная Наде́ждо. Ми́лости Свои́, я́ко еле́й благода́тный, изоби́льно на на́с излива́еши, к Сы́ну Своему́ и Бо́гу на́шему неусы́пно о на́с мо́лишися, при́зри на смире́ние рабо́в Твои́х.
Егда́ преклони́тся к ве́черу де́нь жи́зни на́шея, в ча́с сме́ртный, услы́ши на́с, умоли́ Сы́на Твоего́ дарова́ти на́м Свято́е Прича́стие и напу́тие в Жи́знь Ве́чную. Помози́ избе́гнути го́рьких мыта́рств и му́ки сме́ртныя утиши́, не оставля́я на́с, ча́д Твои́х, при Кресте́ Сы́на Твоего́ Тебе́ всыновле́нных, да́руй твои́ми моли́твами наде́жду и спасе́ние.
Не оставля́й на́с, си́рых и немощны́х. Преклоня́емся пред Пречи́стым о́бразом Твои́м, зна́юще обетова́ние Твое́ «Не приидо́х храни́ма бы́ти от ва́с, но да бу́ду А́з Храни́тельница ва́ша в настоя́щем ве́це и бу́дущем».
Та́ко и на́с сохрани́ от бе́д и напа́стей, боля́щия исцели́, скорбя́щия уте́ши, заблу́дшия вразуми́, охрани́ младе́нцы, нося́щым во чре́ве помози́ благополу́чно разреши́тися от бре́мени, ю́ных воспита́й и научи́, супру́гов наста́ви, поддержи́ и согре́й ста́рыя, жесто́ких ча́д, небрегу́щих о ста́рцех свои́х, гро́зно вразуми́.
На Тебе́ наде́емся, Тобо́ю хва́лимся, на Тя́ упова́ем и прекло́ньше коле́на ду́ш на́ших при́сно прославля́ем Отца́, Сы́на и Свята́го Ду́ха. Ами́нь.
Об иконе Богородицы «Геронтисса»
О чём ещё молятся иконе Богородицы «Геронтисса»
Молитва Богородице перед иконой «Млекопитательница»
Молитва Божией Матери перед Её образом «Млекопитательница»
Молитва перед иконой «Млекопитательница» при трудных родах первая
О Пресвятая Госпоже Владычице наша Богородице, Небесная наша Царице, млеком Христа Бога нашего питавшая и нас недостойных и многогрешных Твоею богатою милостию питающая, спаси и избави нас, грешных рабов Твоих, от напрасныя клеветы, от всякия беды и напасти и внезапныя смерти.
Помилуй нас в дневных часех, во утренних и вечерних и во всякое время сохрани нас, стоящих, седящих соблюди и на всяких путех ходящих и в ночных часех спящих покрый и заступи.
Защити нас, Владычице Богородице, от всех наших враг видимых и невидимых и от всякаго злаго обстояния. На всяком месте и на всякое время буди нам, Мати Преблагая, необоримая стена и крепкое заступление, всегда, ныне и присно и во веки веков. Аминь.
Молитва перед иконой «Млекопитательница» при трудных родах вторая
Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави.
Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на Матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыхании рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.
Об иконе Богородицы «Млекопитательница»
О чём ещё молятся иконе Богородицы «Млекопитательница»
Молитва Богородице перед иконой «Помощница в родах» о помощи при осложнённой беременности и даровании благополучных родов
Молитва Божией Матери перед Её образом «Помощница в родах» при трудных родах
Молитва иконе «Помощница в родах» о помощи при осложнённой беременности и даровании благополучных родов первая
Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе во чреве носящую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши.
Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави; даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою.
О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления приими благодарная хваления сердец наших.
Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, Милосердную Заступницу и верную Надежду рода нашего, во веки веков. Аминь.
Молитва иконе «Помощница в родах» при трудных родах вторая
О Пресвятая Госпоже Владычице Богородице, в земной жизни нас не оставляющая! К кому молитвы вознесу, к кому слезы и воздыхания принесу, аще не к Тебе, всех верных утешение! Со страхом, верою, любовию, Мати Живота, молю: да вразумит Господь люди православныя во спасение, да даст раждати нам чад Тебе и Сыну Твоему во благоугождение, да соблюдет нас в чистоте смирения, в надежде о Христе спасения, и дарует нам всем, в покровех благодати Твоея, земное утешение.
Храни нас под сению милости Твоея, Пречистая, молящимся о родах помози, наветов злых свободи, тяжких бед, напастей и смертей отврати. Даждь благодатное прозрение, дух сокрушения о гресех, даждь зрети всю высоту и чистоту дарованнаго нам Христова учения; храни нас от погибельнаго отчуждения, да вси, благодарне воспевающе величия Твоя, сподобимся небеснаго успокоения и тамо с возлюбленными Твоими, со всеми святыми прославим в Троице Единаго Бога: Отца и Сына и Святаго Духа, ныне и присно, и во веки веков. Аминь.
Молитва иконе «Помощница в родах» о помощи при осложнённой беременности и даровании благополучных родов третья
Царице моя преблагая, надеждо моя Богородице, прибежище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, направи мя яко странна. Обиду мою веси, разреши ту, якоже волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.
Об иконе Богородицы «Помощница в родах»
О чём ещё молятся иконе Богородицы «Помощница в родах»
Молитва Богородице перед иконой «Феодоровская» при трудных родах
Молитва Божией Матери перед Её образом «Помощница в родах» при трудных родах
Молитва иконе «Феодоровская» при трудных родах первая
О, Пресвятая Владычице Богородице и Приснодево, Марие, единая надеждо нам грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом
Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому по вся дни живота нашего
О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней
Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани, и отврати всякий гнев на ны праведно движимый
Даруй нам время на покаяние и обращение, избави нас от внезапныя смерти, и во время исхода нашего предстани нам явлъшися, Дево Богородице, и избави нас от воздушных мытарств, князей века сего, сподоби на Страшнем Судищи Христовем стати одесную, и соделай нас наследники вечных благ, да славим вовеки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.
Молитва иконе «Феодоровская» при трудных родах вторая
О Премилосердая Госпоже, Царице Богородице, приими смиренное моление наше, и не отрини нас, Заступление и Прибежище наше, и не возгнушайся нас, недостойных, но яко Милосердая, не престани молящи, Егоже родила еси, да дарует нам прощение многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя, и неплодное сердце наше покажи плодоносно благих дел. Призри на нас недостойных. Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему единому. О Богомати, не престани молящи Рождшагося от Тебе за вся притекающия с верою к сему чудотворному образу Твоему и подавай им скорую помощь и утешение в скорбех, и напастех, и злостраданиих, избави их от клеветы и злобы человеческия, от враг видимых и невидимых, и всякия нужды и печали. Спаси отечество наше, град сей и вся грады и страны от всяких бед и нужд, и сотвори милостива нам быти Бога нашего, отврати всякий гнев Его на ны движимый и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых ра-досте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.
Молитва иконе «Феодоровская» при трудных родах третья
К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.
Об иконе Богородицы «Феодоровская»
О чём ещё молятся иконе Богородицы «Феодоровская»
https://konsulmir.com/molitva-pri-trudnyx-rodax/Иконы и молитвыПравославиеБогоматерь,Богоматерь покровительница,Богородица,Богородица покровительница,Божия Матерь,Божья Матерь,Дева Мария,Икона «Помощница в родах» при трудных родах,Икона Божией Матери «Геронтисса»,Икона Божией Матери «Млекопитательница»,Икона Божией Матери «Помощница в родах»,Икона Божией Матери «Феодоровская»,Икона Божией Матери Албазинская «Слово плоть бысть»,Как нужно молиться Богоматери,Как нужно молиться Богородице,Как нужно молиться Пресвятой Богородице,Какая икона помогает при трудных родах,Какой иконе Богоматери о чём молиться,Какой иконе Богородицы о чём молиться,Какой иконе молиться,Какой иконе Пресвятой Богородицы о чём молиться,Какому образу Богоматери о чём молиться,Какому образу Богородицы о чём молиться,Какому образу молиться,Какому образу Пресвятой Богородицы о чём молиться,Кому и как нужно молиться,Молитва Богородице о помощи в трудных родах,Молитва Богородице перед иконой «Геронтисса»,Молитва Богородице перед иконой «Геронтисса» при трудных родах,Молитва Богородице перед иконой «Млекопитательница»,Молитва Богородице перед иконой «Млекопитательница» при трудных родах,Молитва Богородице перед иконой «Помощница в родах»,Молитва Богородице перед иконой «Помощница в родах» о помощи при осложнённой беременности и даровании благополучных родов,Молитва Богородице перед иконой «Феодоровская»,Молитва Богородице перед иконой «Феодоровская» при трудных родах,Молитва Богородице перед иконой Албазинская «Слово плоть бысть»,Молитва Богородице перед иконой Албазинская «Слово плоть бысть» о ниспослании благодатной силы в тяжких муках разрешения от беременности,Молитва Богородице при сложной беременности,Молитва Божией Матери перед родами,Молитва за рожениц при трудных родах,Молитва о благополучном разрешении от бремени,Молитва о ниспослании благодатной силы в тяжких муках разрешения от беременности,Молитва о помощи в трудных родах,Молитва о помощи в трудных родах дочери,Молитва о помощи при осложнённой беременности и даровании благополучных родов,Молитва перед иконой Богоматери,Молитва перед иконой Богородицы,Молитва перед иконой Пресвятой Богородицы О чём молятся Богоматери,Молитва перед родами кесарево,Молитва при трудных родах,Молитва при трудных родах Богородице перед Её образами на иконах,О чём молиться Богоматери,О чём молиться Богородице О чём молиться Пресвятой Богородице,О чём молятся Богородице,О чём молятся Пресвятой Богородице,От чего защищает Богоматерь,От чего защищает Богородица,От чего защищает Пресвятая Богородица,Пресвятая Богородица,Пресвятая Богородица покровительница,Пресвятая Дева,Пречистая Матерь СпасителяМолитва при трудных родах Молитва Богородице о помощи в трудных родах Молитва при трудных родах Божией Матери перед Её образами на иконах Богородица Как молиться При трудных родах молятся Богородице перед Её образами на иконах: Албазинская «Слово плоть бысть», «Геронтисса», «Млекопитательница», «Помощница в родах», «Феодоровская» Молитва Богородице перед Албазинской иконой «Слово плоть бысть» о...konsulmir konsulmir@yandex.ruAdministratorОрганизации и консульства. Праздники, календари, выходные. Справочная информация. Анекдоты, юмор