Молитва Богородице перед иконой «Всех скорбящих радость»

Молитва Божией Матери перед Её образом «Всех скорбящих радость»

 

Молитва Богородице перед иконой «Всех скорбящих радость» первая 

О, Пресвятая Владычице Богородице, вышшая Херувим и честнейшая Серафим, Богоизбранная Отроковице, всех скорбящих Радосте!

Подаждь утешение и нам, в скорби сущим: разве бо Тебе инаго прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятыя Троицы, можеши нам помощи: никтоже бо притекаяй к Тебе посрамлен отходит.

Услыши убо и нас, ныне в день скорби пред Твоею иконою припадающих и со слезами Тебе молящихся: отжени от нас належащия на нас скорби и печали в сей временней жизни, не лишены же ны сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.

 

Молитва Богородице перед иконой «Всех скорбящих радость» вторая

Надеждо ненадежных, сило безпомощных, пристанище обуреваемых, покрове напаствуемых, заступление обидимых, хлебоманно, услаждающая алчущих, нектаре небеснаго упокоения жаждущих, Мати Преблагословеннаго Бога, Преблагословенная и Пренепорочная Дево!

К Тебе единей прибегаю, к Твоему покрову вседушно преклоняю колена, Владычице. Не презри плача и слез, утехо плачущих! Аще ужасает мя мое недостоинство и окаянство моих грехов, но уверяет мя цельбоносный сей образ, на немже благодать Твою и силу, яко неисчерпаемое море, вижду: слепых прозревших, скачущих хромых, странствующих аки под сению Твоего призрения, матерне упокоенных и по всему прошению благоизобильствующих; на оных помилования образ взирая, прибегох, слеп сый душевныма очима и хром душевными чувствы.

О, Свете Незаходимый! Просвети и исправи мя, веси всякую мою скорбь, веси всякую беду, не презри моления моего, о Полезнодательнице! Не возгнушайся мене грешнаго, не презри мене сквернаго; вем, яко вся можеши, елика волиши, о добрая Надеждо моя, упование мое от сосцу матере моея. К Тебе привержен есмь от чрева матери моея, Тебе оставлен есмь, не остави мене, не отступи от мене, ныне и присно и во веки веков. Аминь.

 

Молитва Богородице перед иконой «Всех скорбящих радость» третья

Царице моя преблагая, надеждо моя, Богородице, приятилище сирых, и странных предстательнице, скорбящих радосте, обидимых покровительнице! Зриши мою беду, зриши мою скорбь; помози ми яко немощну, окорми мя яко странна. Обиду мою веси, разреши ту, яко волиши, яко не имам иныя помощи, разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

 

Молитва Богородице перед иконой «Всех скорбящих радость» четвертая

О, Пресвятая Владычице Богородице, Преблагословенная Мати Христа Бога Спасителя нашего, всех скорбящих Радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем безпомощным всегда готовая помоще и верное прибежище!

Тебе, о Всемилостивая, дадеся от Всевышняго благодать во еже всех заступати и избавляти от скорби и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие, Симеоном предреченное, сердце Твое пройде; темже убо, о Мати чадолюбивая, вонми гласу моления нашего, утеши нас в скорби сущих, яко верная радости ходатаица, предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити; сего ради с верою сердечною и любовию от души припадаем к Тебе, яко Царице и Владычице, и псаломски вопити Тебе дерзаем: слыши, Дщи, и виждь, и приклони ухо Твое, услыши моление наше, и избави нас от обстоящих бед и скорбей; Ты бо прошения всех верных, яко скорбящих радость, исполняеши, и душам их мир и утешение подаеши, се зриши беду нашу и скорбь, яви нам милость Твою, посли утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния к очищению грехов наших и утоления гнева Божия, да с чистым седцем, совестию благою и надеждою несумненною прибегаем к Твоему ходатайству и заступлению.

Приими, Всемилостивая наша Владычице Богородице, усердное моление наше, Тебе приносимое, и не отрини нас недостойных от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческия, буди нам помощница неотступная во вся дни жизни нашея, яко да под Твоим Матерним покровом всегда пребудем целы и сохранены Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со Безначальным Его Отцем и Святым Духом, ныне и присно и во веки веков. Аминь.

 

Молитва Богородице перед иконой «Всех скорбящих радость» пятая

О Пресвятая и Преблагословенная Дево, Владычице Богородице! Призри милостивным Твоим оком на нас, предстоящих пред святою иконою Твоею и со умилением молящихся Тебе; воздвигни нас из глубины греховныя, просвети ум наш, омраченный страстьми, и уврачуй язвы душ и телес наших.

Не имамы иныя помощи, ни имамы иныя надежды, разве Тебе, Владычице; Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно и Твоим неизреченным милосердием и щедротами спаси и помилуй нас, погибающих.

Даруй нам исправление греховныя жизни нашея и избави нас от скорбей, бед и болезней, от внезапныя смерти, ада и вечныя муки. Ты бо, Царице и Владычице, скорая помощница и заступница еси всем притекающим к Тебе и крепкое прибежище грешников кающихся.

Подаждь убо нам, Преблагая и Всенепорочная Дево, христианский конец жития нашего, мирен и непостыден, и сподоби нас Твоим ходатайством вселитися в обителех небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.

 

Молитва Богородице перед иконой «Всех скорбящих радость» шестая

Заступнице усердная, благоутробная Господа Мати, к Тебе прибегаю аз, окаянный и паче всех человек грешнейший; вонми гласу моления моего, вопль мой и стенание услыши, яко беззакония моя превзыдоша главу мою, и аз, якоже корабль в пучине, погружаюся в море грехов моих.

Но Ты, всеблагая и милосердная Владычице, не презри мене отчаяннаго и во гресех погибающаго; помилуй мя, кающагося в злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.

 

Молитва Божией Матери перед Её образом «Всех скорбящих радость» седьмая

О Пресвятая Дево, Мати Христа Бога нашего, Царице небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющимся пречистому и чудотворному образу Твоему.

Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных.

Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и явися нам милосердая предстательница, да всегда поем, величаем и славим Тя, яко благую Заступницу рода христианскаго, со всеми угодившими Богу, во веки веков. Аминь.

 

Молитва Божией Матери перед Её образом «Всех скорбящих радость» восьмая

О Пресвятая Госпоже Владычице Богородице! Приими недостойную молитву нашу, и сохрани нас от навета злых человек и от внезапныя смерти, и даруй нам прежде конца покаяние. На моление наше умилосердися, и радость вместо печали даруй. И избави нас, Госпоже, от всякия беды и напасти, скорби и болезни и всякаго зла. И сподоби ны, грешныя рабы Твоя, одесную стати во втором пришествии Сына Твоего, Христа Бога нашего, и наследники быти Царствия Небеснаго и жизни вечныя со всеми святыми в бесконечныя веки веков. Аминь.

 

Молитва Божией Матери перед Её образом «Всех скорбящих радость» девятая

К кому возопию, Владычице, к кому прибегну в горести моей, аще не к Тебе, Царице Небесная? Кто плачь мой и воздыхание мое приимет, аще не Ты, Пренепорочная, надеждо христиан и прибежище нам, грешным? Кто паче Тебе в напастех защитит?

Услыши убо стенание мое, и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене грешнаго. Вразуми и научи мя, Царице Небесная, не отступи от мене раба Твоего, Владычице, за роптание мое, но буди мне Мати и Покровительница.

Вручаю себе милостивому покрову Твоему, аще токмо восхощеши устроити о мне. Приведи мя, грешнаго, к тихой и безмятежней жизни, да плачуся о гресех моих. Увы мне, к кому прибегну повинный аз, токмо к Тебе, упованию и прибежищу грешных, в надежде на неизреченную милость Твою и щедроты? Кое ли слово за преступления моя изрещи возмогу к величеству славы Твоея?

О Владычице Царице Небесная, Ты мне Мати и надежда, Ты ми упование и прибежище, покров, заступление и помощь. Царице моя преблагая и пребыстрая заступнице, покрый Своим ходатайством моя прегрешения, защити мене от враг видимых и невидимых: умягчи сердца злых человек, возстающих на мя.

О Мати Господа моего Творца! Ты корень девства и неувядаемый цвет чистоты. О Богородительнице, Ты подаждь ми помощь немощствующему плотскими страстьми и болезнующему сердцем, едино бо Твое, и с Тобою Твоего Сына и Бога нашего, имею заступление, и Твоим пречудным заступлением да оправдан буду, и да избавлюся от всякия беды и напасти всесильными Твоими молитвами, всечистая, и непорочная, и преславная Божия Мати Марие. Темже со упованием глаголю и вопию: Радуйся, Благодатная; радуйся, Обрадованная; радуйся, Преблагословенная, Господь с Тобою. Аминь.

 

Молитва Божией Матери перед Её образом «Всех скорбящих радость» десятая

Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе ныне приносимыя от нас недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему.

По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от обид избавляеши, прокаженныя очищаеши и малыя дети милуеши. Еще же, Госпоже Владычице Богородице, и от уз и темниц свобождаеши и всякия многоразличныя страсти врачуеши, вся бо суть возможна ходатайстом Твоим к Сыну Твоему, Христу Богу нашему.

О Всепетая Мати, Пресвятая Богородице! Не престай молитися о нас недостойных рабех Твоих, славящих Тя и почитающих Тя, и покланяющихся со умилением пречистому образу Твоему, и надежду имущих невозвратну и веру несумненну к Тебе, Приснодеве преславней и непорочней, ныне и присно и во веки веков. Аминь.

 

Смотрите также:

Икона Богородицы «Всех скорбящих радость» 

О чём молятся иконе Богородицы «Всех скорбящих радость» 

Молитва Богородице перед иконой «Всех скорбящих радость» 

Как молиться

konsulmirИконы и молитвыПравославиеБогоматерь,Богоматерь покровительница,Богородица,Богородица покровительница,Божия Матерь,Божья Матерь,Дева Мария,Икона Богородицы «Всех скорбящих радость»,Икона Божией Матери «Всех скорбящих радость»,Икона Пресвятой Богородицы «Всех скорбящих радость»,Как нужно молиться Богоматери,Как нужно молиться Богородице,Как нужно молиться Пресвятой Богородице,Какой иконе Богоматери о чём молиться,Какой иконе Богородицы о чём молиться,Какой иконе молиться,Какой иконе Пресвятой Богородицы о чём молиться,Какому образу Богоматери о чём молиться,Какому образу Богородицы о чём молиться,Какому образу молиться,Какому образу Пресвятой Богородицы о чём молиться,Кому и как нужно молиться,Молитва Богородице перед Её образом «Всех скорбящих радость»,Молитва Богородице перед иконой «Всех скорбящих радость»,Молитва Божией Матери перед Её образом «Всех скорбящих радость»,Молитва Божией Матери перед иконой «Всех скорбящих радость»,Молитва перед иконой Богоматери,Молитва перед иконой Богородицы,Молитва перед иконой Пресвятой Богородицы О чём молятся Богоматери,Молитва Пресвятой Богородице перед Её образом «Всех скорбящих радость»,Молитва Пресвятой Богородице перед иконой «Всех скорбящих радость»,О чём молиться Богоматери,О чём молиться Богоматери перед иконой «Всех скорбящих радость»,О чём молиться Богородице О чём молиться Пресвятой Богородице,О чём молиться Богородице перед иконой «Всех скорбящих радость»,О чём молиться перед иконой «Всех скорбящих радость»,О чём молиться Пресвятой Богородице перед иконой «Всех скорбящих радость»,О чём молятся Богоматери через её образ иконы «Всех скорбящих радость»,О чём молятся Богородице,О чём молятся Богородице через её образ иконы «Всех скорбящих радость»,О чём молятся перед иконой «Всех скорбящих радость»,О чём молятся Пресвятой Богородице,О чём молятся Пресвятой Богородице через её образ иконы «Всех скорбящих радость»,От чего защищает Богоматерь,От чего защищает Богородица,От чего защищает Пресвятая Богородица,Пресвятая Богородица,Пресвятая Богородица покровительница,Пресвятая Дева,Пречистая Матерь Спасителя,Чудотворная икона Богородицы «Всех скорбящих радость»,Чудотворная икона Божией Матери «Всех скорбящих радость»,Чудотворная икона Пресвятой Богородицы «Всех скорбящих радость»Молитва Богородице перед иконой «Всех скорбящих радость» Молитва Божией Матери перед Её образом «Всех скорбящих радость»   Молитва Богородице перед иконой «Всех скорбящих радость» первая  О, Пресвятая Владычице Богородице, вышшая Херувим и честнейшая Серафим, Богоизбранная Отроковице, всех скорбящих Радосте! Подаждь утешение и нам, в скорби сущим: разве бо Тебе инаго прибежища и помощи не...Организации и консульства. Праздники, календари, выходные. Справочная информация. Анекдоты, юмор